NTC USSD Codes 2026: Balance, Data, Number & Loan Code List

नेपाल टेलिकम (NTC) को balance check, data pack, नम्बर check र Namaste Credit कोड एकै ठाउँमा।

यो पेजमा NTC USSD codes एकै ठाउँमा छन्: balance हेर्ने, data pack लिने, आफ्नो नम्बर थाहा पाउने र Sapati (Namaste Credit) लिने। हरेक कोड NTC को आफ्नै short codes, service र FAQ पेजसँग ५ अक्टोबर २०२६ मा मिलाइएको हो। NTC को सूचीमा नभएको कोडलाई तलको तालिकामा छुट्टै चिनाइएको छ।

NTC balance check code: ब्यालेन्स कसरी हेर्ने

Dialer खोलेर *400# डायल गर्नुहोस् र call थिच्नुहोस्। Balance स्क्रिनमै देखिन्छ। NTC ले यो कोडलाई आफ्नो short codes सूचीमा “Check Balance” भनेर राखेको छ।

Dual SIM फोनमा NTC SIM भएको slot बाट डायल गर्नुहोस्। विदेशमा roaming मा हुँदा पनि *400# सामान्य रूपमा चल्छ। Postpaid को बिल र usage हेर्न NT App वा Self-Care पोर्टल बढी सजिलो हुन्छ।

NTC number check र SIM owner check code

*9# ले आफ्नो NTC नम्बर देखाउँछ। नयाँ SIM हालेर आफ्नै नम्बर बिर्सँदा यसले काम गर्छ।

*922# ले त्यो SIM को owner, अर्थात् कसको नाममा दर्ता छ भन्ने देखाउँछ। नम्बर र owner फरक कुरा हुन्, त्यसैले कोड पनि फरक छन्।

NTC data pack code: package र remaining data

*1415# ले NTC का पछिल्ला package र offer देखाउँछ, र त्यहीँबाट subscribe गर्न मिल्छ। *1442# add-on package का लागि हो।

किनेको data कति बाँकी छ भन्ने हेर्न *1415*55# डायल गर्नुहोस्। NTC को FAQ पेजमा remaining data र validity हेर्ने कोड यही हो। धेरैले *1415# मै बाँकी data देखिन्छ कि भनेर खोज्छन्, तर त्यसले offer menu मात्र खोल्छ।

पछिल्ला package, दर र offer को पूरा सूची NTC को offer पेजमा पनि हेर्न सकिन्छ।

NTC loan code: Namaste Credit (Sapati) कसरी लिने

NTC को Namaste Credit पेजमा यसलाई prepaid ग्राहकका लागि Sapati service भनिएको छ। यो नगद होइन। आफ्नो balance सकिएपछि call, SMS र data चलाउन पाइने उधारो हो।

• Prepaid SIM 3 महिना वा सोभन्दा बढी प्रयोग गरेको हुनुपर्छ।
• NTC को पेजमा Rs. 30 उल्लेख छ। तर रकम network प्रयोग, recharge गर्ने आवृत्ति र SIM को उमेरमा भर पर्छ, त्यसैले सबैको एउटै नहुन सक्छ।
• कुनै service charge लाग्दैन। अर्को top-up मा प्रयोग गरेको रकम मात्र कटौती हुन्छ। Top-up कम परे आंशिक रूपमा कटिन्छ, NTC ले threshold 60% भनेको छ।
• यो credit अरूको नम्बरमा transfer हुँदैन।
• NTC ले service चरणबद्ध रूपमा खोल्दै गएको भनेको छ। साथीलाई देखिने तर तपाईंलाई नदेखिने हुन सक्छ।

NTC balance transfer code

पहिले security code लिनुहोस्: message मा SCODE लेखेर 1415 मा पठाउनुहोस्। त्यसपछि यो कोड डायल गर्नुहोस्:

*422*SecurityCode*MobileNumber*Amount#

उदाहरण: *422*123456*98XXXXXXXX*100#। Amount रुपैयाँमा लेख्ने हो।

• NTC को balance transfer पेज अनुसार एक पटकमा Rs. 10 देखि Rs. 500 सम्म, दिनमा बढीमा 20 पटक।
• Prepaid GSM प्रयोगकर्ताका लागि मात्र उपलब्ध छ।
• NT App को Transfer Balance र Website को Self-Care बाट पनि गर्न मिल्छ।
• Security code कसैलाई नदिनुहोस्, र screenshot मा नदेखिने गरी राख्नुहोस्।

NTC recharge: कोड र आधिकारिक तरिका

NTC ले आफ्नो top-up पेजमा यी तरिका राखेको छ: NT App, cardpay.ntc.net.np मा ATM वा card बाट, र eSewa, Khalti, IMEPay, CellPay वा bank को mobile app।

Scratch card को PIN भए धेरैले *412*PIN# प्रयोग गर्छन्। यो format लामो समयदेखि चलेको हो, तर NTC को हालको top-up पेजमा यसको उल्लेख भेटिएन। काम नगरे माथिका आधिकारिक तरिका प्रयोग गर्नुहोस्।

विदेशमा हुँदा NTC को FAQ अनुसार PIN भए Nepal मा जसरी USSD बाट नै recharge गर्न मिल्छ। नत्र eSewa, Khalti वा online banking प्रयोग गर्न सकिन्छ।

eSewa मा आफ्नो NID जोड्ने तरिका चाहिए ComputerKite को eSewa मा NID कसरी add गर्ने गाइड हेर्नुहोस्।

NTC 4G र VoLTE activation code

*444# ले तपाईंको SIM ले 4G सपोर्ट गर्छ कि गर्दैन जाँच्छ, र सेवा सक्रिय गर्छ। Activation निःशुल्क छ। पुरानो 2G/3G SIM भए NTC कार्यालयमा 4G SIM सँग सटाउनुपर्छ। थप विवरण NTC को 4G LTE पेजमा छ।

4G नचल्नुको सबैभन्दा सामान्य कारण handset हो। NTC ले Band 20 (800 MHz) र Band 3 (1800 MHz) दुवै प्रयोग गर्छ। गाउँघरमा Band 20 नभएको फोनमा 4G नआउन सक्छ। आफ्नो फोनको IMEI राखेर NTC को 4G band checkerमा जाँच गर्न मिल्छ।

VoLTE का लागि *444# मा “Activate VoLTE” छान्नुहोस्, अनि फोनको settings मा VoLTE on गर्नुहोस्। चलिरहेको छ कि छैन *111# वा 1444 बाट थाहा हुन्छ। NTC ले VoLTE को छुट्टै शुल्क छैन, र VoLTE call ले data खर्च गर्दैन भनेको छ।

NTC international roaming code

*1415*7# डायल गरेर activate वा deactivate को option छान्नुहोस्। Prepaid ले NT App बाट पनि गर्न मिल्छ। Rate र शर्त NTC को roaming पेजमा हेर्नुहोस्।

• Postpaid ले पनि यही कोड प्रयोग गर्न सक्छ, वा परिचयपत्र लिएर NT counter जान सक्छ। Activation का लागि न्यूनतम Rs. 5,000 balance चाहिन्छ, र Rs. 3,000 भन्दा तल झरेपछि data मात्र चल्छ।
• विदेश पुगिसकेको भए [email protected] मा email गरेर activate गर्न मिल्छ।
• Nepal भित्रका लागि किनेको package roaming मा चल्दैन।
• NT App को OTP network नभई आउँदैन। त्यसैले App Nepal मै register गरेर जानुहोस्।
• फर्किएपछि roaming deactivate गर्न NTC ले सुझाव दिएको छ।
• समस्या परे Nepal भित्र 1498, विदेशबाट +977-1-5901498 मा सम्पर्क गर्नुहोस्।

सबै NTC USSD codes एकै तालिकामा

Prepaid र postpaid: कुन कोड कसलाई

सबै कोड सबै SIM मा चल्दैनन्। NTC ले आफ्ना पेजमा जे लेखेको छ, त्यही आधारमा तालिका बनाइएको छ।

NTC USSD code काम नगरे के गर्ने

• Signal कमजोर वा network व्यस्त भए केही बेरपछि फेरि डायल गर्नुहोस्।
• Dual SIM फोनमा NTC SIM भएको slot बाट डायल भएको छ कि छैन हेर्नुहोस्।
• अर्को साइट वा message बाट copy गरेको कोडमा लुकेको space हुन सक्छ। हातले फेरि टाइप गर्नुहोस्।
• Balance transfer र Namaste Credit prepaid मात्रका लागि हुन्। Postpaid मा यी काम गर्दैनन्।
• Namaste Credit नदेखिए SIM 3 महिना नपुगेको वा service तपाईंको नम्बरमा नखुलेको हुन सक्छ।
• Transfer नभए security code, amount (Rs. 10 देखि Rs. 500) र दैनिक 20 पटकको सीमा जाँच्नुहोस्।
• अरू ब्लगमा भेटेको कोड यो तालिकासँग नमिल्दा NTC ले त्यो कोड बदलेको वा हटाएको हुन सक्छ।
• फोन restart गर्नुहोस् वा airplane mode एकपटक on/off गर्नुहोस्। त्यसपछि पनि नभए 1498 मा कल गर्नुहोस्।

USSD कि NT App: कुन सजिलो

Balance वा नम्बर छिटो हेर्नु छ भने USSD नै छिटो हुन्छ, र साधारण फोनमा पनि चल्छ। Package छान्ने, usage history हेर्ने, बिल तिर्ने र gift pack पठाउने कामका लागि NT App सजिलो छ। NTC ले App निःशुल्क भनेको छ, तर download गर्दा सामान्य data शुल्क लाग्छ।

NTC USSD codes सम्झने सजिलो तरिका

धेरै प्रयोग हुने कोड फोनको contacts मा नाम राखेर save गर्नुहोस्, जस्तै “NTC Balance” मा *400# र “NTC Data” मा *1415#। एक ट्यापमा डायल हुन्छ। संक्षेपमा, NTC USSD codes मध्ये *400#, *9#, *1415#, *1477# र *922# याद राख्नुभयो भने धेरैजसो काम चल्छ। कुनै कोड यहाँ लेखिएजस्तो चलेन भने तलको comment मा लेख्नुहोस्, हामी जाँचेर तालिका सच्याउँछौं।

धेरै सोधिने प्रश्न (FAQ)